TELLING IS NOT JUST FILLING. IT SHOULD BE AN YELLING OF COLLECTED FEELING!

 பணிய வைத்த பனிச்சறுக்கு:   இறுக்கம்  உடைந்த இயற்கையின் பெருக்கம். தலை தெரிக்க விரைந்ததால் தரணியில் ஓர் நடுக்கம். பனியேறி இறங்கிட மலையேறின உயிர்கள். புரட்டிப் போட்டதில் புதைகுழி ஆயினவே  எழில்கள்! வேண்டியதோ நளினம் தீண்டியதோ மரணம். புனிதப் பயணம் அந்தப் புதிற்குள் சரிரச் சயனம். சுற்றிய உலாவில் வற்றியது நினைவு. மான்டோர் யாவரும்  உயிர் வேண்டோரின் கனவு! கூடிய ஆன்மாக்கள் பாரத்துடன் அகதிகளாக, அடைக்கலம் தந்தன  ஈரத்துடன் சகதிகள்! இமயத்தின் இறுதி  பல குருதிக்குள் குடியேறியது  மறதி! அன்றோ இயற்கையின் மடியில், இன்றோ அசைவற்று பூமிக்கு அடியில்! எல்லாம் ஒரு நொடியில் மொத்த உற்சாகமும் இருளின் பிடியில்! கலைத்தாடும் கவிந்தாயின் விளையாட்டு, இதற்கு கண்ணீருடன் கர்வமற்று கைதட்டு! உயர் மலை வாழ வழிகாட்டு, உன் பெயரின் சந்ததியை அப்படியே  நிலைநாட்டு! உடைத்துக் கொண்ட தேக்கம், மெல்லிய பணி என்றாலும் அதிர்ந்து தாக்கும்! சுயநல இன்பத்தின் ஏக்கம், சினந்த இயற்கையின் முன் அது தோற்கும். எத்தனை காலம் நம்மை அது பொறுக்கும், இமயத்திற்கும் மாரடைக்க இப்படித்தான் வியர்க்கும்! ஆற்றின்...

பராசக்தி நடையில் ஒரு நடிக சிகாமணியின் சீற்றம்!     சட்டமன்றம் ஆச்சரியப்படுத்தும் பல அரசுகளை சந்தித்திருக்கிறது. வியக்க வைக்கும் பல விந்தையாளர்களை கண்டிருக்கிறது. ஆனால் இந்த அரசு ஆச்சரியத்திற்குரியதும்   அல்ல. ஆளுகிற நானும் வியப்புக்குரியவனும் அல்ல.   அதிகார போதையோடு ஆங்காங்கே தென்படுபவர்களில் ஒருவன் தான் நான். தேர்தல் பிரச்சாரத்தில் பொய்யை உதிர்த்தேன். நல்லாட்சி தந்தவர்களை தீய சக்தி என்று கூறி நையப் புடைத்தேன்.     வேலையைக் காட்டியிருக்கிறேன் இவ்வாறெல்லாம். இவை எல்லாவற்றையும் நான்தான் செய்தேன் என்று ஒப்புக்கொள்ள போகிறேன் என்று நீங்கள் நினைப்பீர்கள். இல்லை. சர்கார்   சத்தியமாக இல்லை!     தேர்தல் நாட்களில் குட்டி கதைகளை அவிழ்த்து விட்டேன். காரணம் அவற்றை நான் மட்டுமே சொல்ல முடியும் என்பதனால் அல்ல. அவைகளைத் தான் ரீல்ஸ்க்குள் அடக்க முடியும் என்பதற்காக!     முந்தைய அரசு மீது அவதூறை அள்ளித் தெளித்தேன். எனக்கு வெற்றி கிட்ட வேண்டும் என்பதற்காக அல்ல , அவர்கள் மண்ணை கவ்விட வேண்டும் என்பதற்காக!   உனக்கு ஏன் இவ்வளவ...

 எம்எல்ஏ என்னும் ஏழைகள்! ஐயோ பாவக் கால்கள் கொண்டவர்கள், தொகுதி வலம் வர வழியற்ற வரியவர்கள், பல்லாயிரம் அடி நடந்து  பாதம் நொந்தவர்கள், நித்திரை வெறுத்து மக்களை நெருங்கிடும் நேசர்கள், கோரிக்கைகள் ஈடேற்ற குடிசைகளை அண்டிடும் அற்புதர்கள், அடிதடி தடுப்பதற்கு அன்பை ஏந்திச் செல்லும் அமைதியின் தூதுவர்கள், ஆற்றுப்படுகை பாதுகாக்க காற்று போல் சீறிப்பாயும்  சீமான்கள், திட்டங்களை நிறைவேற்ற வட்டமிட்டு சுற்றிச் சுழலும்  பூலோகத்துச் சூரர்கள், சட்டத்தை சமன்படுத்த சாரை சாரையாய் அணிவகுக்கும் சாரதிகள், இல்லாதோரை எட்டிப்பிடிக்க நில்லாது பாடுபடும் ஏழைப் பங்காளர்கள், சுயநலத்தை கரைத்து தொலைத்து  பொதுநலத்திற்காய் பயணப்படும் பங்காளிகள், வாக்குப்பெற்று இருந்தபோதிலும் வாடகை கட்டிட வக்கற்றிருக்கும் வானவர்கள், பாகுபாட்டை ஒழிப்பதற்கு மேடு பள்ளங்கள் ஏறி இறங்கும் மாமணிகள், தன்னிடம் இருப்பதை கொடுப்பதற்கு வேகமாய் விரைந்திடும் வில் அம்புகள், பட்டி தொட்டியில் வசித்து நகரம் வர பேருந்துக்காய் கால் கடுக்கும்  கனவான்கள், காணி நிலத்தையும் கொண்டிடாத சேவை ஞானி மனம் பெற்று இருக்கும் பெரும்புள்ளிகள், பஞ்...

 மின்னொளிக்குள் தடம் பதித்த விண்வெளி! விரல்கள் மட்டும் அல்ல விரிந்தினர்களும் பத்து! ஈன்ற பொழுதில் அல்ல இயன்ற பொழுதில், உற்ற அன்பில் பெற்ற பிள்ளைகளை நாடி வந்தன வானம்பாடிகள்! பல்வரிசை சிரிப்பில் மின்னொளி மின்னிட, பரிசு சீர்வரிசையின் பரிசல் மிதந்தது, அப்பப்பா அந்த இதயங்களின் இரைச்சலில் ஈகை புதிதாய் பிறந்தது! வேலூரில் போட்ட சுழி,  இடைப்பட்ட தூரம் கடந்து வடபழனியில் வட்டமானது! திட்டமோ மொட்டை மாடியில், குளிர்ந்த விட்டத்து மடியில், அன்பு சட்டமானது, இவர்களே உண்மை உறவுகள் என்று அந்த சென்னைக்கும் தோணுது! வலைதளம் பிரசவித்த பரிசுகள் அணிவகுத்தன, உடன் தந்த இனிப்புகளும் அடி நாக்கின் சுவை ஊட்டிகளை தீ மூட்டின! புதிய அரசுக்கோ  பதவிப்பிரமாணம், இன்பம் கூட்டி எங்கள் உள்ளங்கள் ஆனது ஆகாய விமானம்! ரகசிய காப்பை உரைத்தார் ஆளுநர், எங்களின் அதிசய நட்பை இணைத்தார் கடவுள் என்னும் வல்லுநர்! விஜய் ஆக்கப்பட்டார் முதல்வர், நாங்கள் ஒவ்வொருவரும் அன்றைய தினத்தின் புதல்வர்! அழைப்பினை விடுத்தோம், அன்பின் பாலத்தை வந்து சேர்ந்துவிட பணித்தோம், வேண்டுகோள் ஏற்கப்பட்டதில் தீர்க்கப்பட்டது, காத்திருப்பு கொண்டிருந்த இளகி...

 மனமாச்சி செய்த கன்னட மாநகராச்சி! ஓரிடத்து உவகைக்காய் பேருந்து தேரெடுத்த ஈர் எட்டுகள், , சீறிப் பாய்ந்த வின் கொடியின் மொட்டுகள், ஆரார் சேர்ந்திட்டதும் சிரிப்பு வெடி வைத்தன, அந்த காவேரியை சுண்டி இழுத்தன! ஆனந்தம் ஆர்ப்பரிக்க உவகை பூ பறிப்பு நிகழ்ந்தது, அளுங்களே தாலாட்ட குளுங்களே களிப்பூட்ட பயணங்கள் நிகழ்ந்தது! கைகள் வடம்பிடிக்க உள்ளம் படமெடுக்க, நிம்மதி குடைபிடித்தது சிரிப்பின் சங்கதி பெருக்கெடுத்தது! பிஞ்சுகள் துள்ளிட நெஞ்சமோ நொடிகளிடம் கெஞ்சியது, நகரா நாட்களை உடுத்திட வேண்டுமென நகரும் நகரத்திடம் இறைஞ்சியது! உறவுகளின் அணைப்பிலும் இணைந்திட்ட விரல்களின் இனிப்பிலும் உணவுகளோ சுவைத்தன, உட்கொண்டதில் அல்ல அன்பு ஆட்கொண்டதில் எண்களின் இரைப்பைகள் நிறைந்தன! மஞ்சுவின் பேச்சைப்போல் வாகனத்தின் ஏசியும் சுட்டது, அத்துடன் ஓட்டெடுப்பை உடன் அமர்த்த மவுனமே மான்பரிந்து வழிவிட்டது! பண்நீர்கட்டாவும் பட்டாம்பூச்சியும் வெயில் தூவி வரவேற்க, பேட்டரி  உந்தும் மிருகங்களின் சிறைபட்ட பொந்தும் சாமரம் வீசியது, மகிழ்ச்சி கரைபுரள மனமன்ரோ கூசியது! லால்பாக்கில் ஷாக் காரணம் அரங்கேறியது இடைவிடாத வாக், ஆயினும் வாங்கி...

 தாக்கப்பட்ட வாக்குகள்!  வாக்குகளின் நிலை கவலைக்கிடம், நாக்குகள் கொண்டு மைய புடைக்கப்பட்டதால் இந்நிலை! துடைத்து எறியப்பட்டது கருப்பும் சிவப்பும், மடித்து ஊதப்பட்டது பிகிலும் திகிலும்! வலைதளத்தில் வலைவீசி பிடிக்கப்பட்டது, ஜனநாயக திமிங்கலம், கைகள் நெறி தவறி குளிக்கிட  உருப்பெற்றது அலங்கோலம்! இரட்டைக் குழல்கள் காதுகளில் ஊதிட, தணிக்கை செய்யும் எண்ணிக்கை கேட்டது, மத்திய கரை படிந்த மாளிகை! சிறுத்தைகளும் கருத்துகளும் விடுதலை வேண்டி விசும்பிட, மூச்சடைக்கும் நச்சுகளால் அம்பலப்பட்டது பின்புல சூட்சமம்! மூத்ததை இளையது தளபதியென விழ்த்திட, கண்ணியத்தின் திண்ணம்  தரைதட்ட மாரடைத்து வேர்த்தது! குழந்தை பேரம் மறைந்து குதிரை பேரம் தொடங்கியது, பதறும் பதவி சுகத்தில், தமிழ் கூறும் நல்லுலகு,  பிளவுகள் நேரும் பிடியை  அடைந்தது! வங்கத்தை வீழ்த்தி  கேரளத்தை தாழ்த்தி, தமிழின் நாட்டை வேட்டையாட தொடங்கிவிட்டது, எந்திர  மந்திரத்தின் தந்திரக் கூட்டணி! சாசனத்தை கூட  மாற்றிடும் ஆசனத்தை அடைந்திட, கழுகு சிம்மாசனம் இட்டு அமர்ந்திருக்கிறது திரைப் பறவை! புதைகுழி நோக்கி வாக்குகள் நகர்...

 மழலை அரசியல்!  ஊதிப் பெருக்கப்படுகிறது ஒரு புகழின் உச்சம்! ஊதுவதை வைத்து சாதிக்கும் திட்டம் போல! ஊதாமல் ஒருநாளும் இருக்க வேண்டாம் என்பதே  புதுமுழக்கம்! முழக்கத்தின் மயக்கத்தில் மூர்க்கத்தனமாகிவிடுகிறது முட்டாள்தனம்! ஓதாமல் கூட இருந்து  விடுங்கள் ஆனால் ஊதாமல் இருக்க வேண்டாம், சொல்லியபடி எதிரொலிக்கிறது அசுத்தங்களின் அலறல்! பால் மறவா பாலகர்களுக்கு பாலாடையில் ஊட்டப்பட்டது அபத்தத்தின் விஷம்! பந்தடிக்கும் கரங்கள் வாக்குச்சாவடிக்குள், பெற்றோரை சுண்டி இழுக்க,  சங்கினை ஊத  சாகடிக்கப்பட்டது  ஜனநாயகம்! யாரிடமும் சொல்லாமல் எடுக்கப்பட்ட ஜனநாயகன்  வெளிவந்தது, ஆனால் கூடி  கேட்டாலும் இனி கெடுக்கப்பட்ட ஜனநாயகம் வெளிப்படுவது  கடினம்! வலைதள திரையரங்கில் அரசியல் படப்பிடிப்பின் அரங்கேற்றம், தடையின்றி நடந்தது கரை மறந்து சுழன்றது! அலைகடலென இளைஞன் திரண்டானாம், ஆர்ப்பரிக்கும் வாக்களிப்பில் இரண்டற கலந்தானாம், எண்ணிப் பார்த்துக் கொள்ளுங்கள் எண்ணப்படும் அவனின் வாக்குகளில் எண்கள் இருக்கும் இதயம் இருக்காது! தலைமுறை மட்டுமல்ல அவனின் இளையத்  தளபதியும் ஒரு இடைவேளை...