அவர்கள் வெல்லட்டும்:

 அவர்கள் வெல்லட்டும்:



மாண்புகள் தோற்று மரபுகள் காற்றில் பறந்தால்  என்ன அவர்கள் வெல்லட்டும்!


சத்தியத்தின் நாமம்  சாகட்டும் சத்தியபாமா வெல்லட்டும்!


மதுராந்தகம் அவர்கள் வசம்போகட்டும் ஜனநாயகம் நாசமாகட்டும் அனுதினமும் அது நடக்க அவர்களே வெல்லட்டும்!


எந்திரப் பெட்டி வைத்து இங்கிதமாய் வெல்லட்டும்!


ஓட்டுக்கு வேட்டுவைத்து ஞானேஸ் உடன்  கூட்டு வைத்து நயவஞ்சகமாக வெல்லட்டும்!


புதிய மொந்தையில் பழைய கல் அதற்கென்ன பருகி பரவசமடைய அவர்களே    வெல்லட்டும்!


சம்சாரமோ பிரச்சாரமோ  ஆசாரம் எதிலும் இல்லை இருந்தாலும் வெல்லட்டும்!


கம்யூனிசமும் ஃபெமினிசமும் கரைய ஹீரோயிசம் நாட்டுக்கு தேவை ஆதலால்  வெல்லட்டும்!


ஆதவ புரட்டும் நிர்மலின் உறுமலும் உரைக்கவில்லை எவருக்கும் அதனால் வெல்லட்டும்!


அப்புறப்படுத்த ஒதுக்குப்புற குடிசைகள் காத்திருக்கின்றன அவர்களுக்கு அதனால் வெல்லட்டும்!


அண்ணலும் பார்க்க அன்னியும் பார்க்க பட்டினப்பாக்கத்தில் சட்டத்தின் மன்றங்கள் தேவை அதனால் மன்மதமாக வெல்லட்டும்!


வெயிலில் காய்ந்த தளபதியின் வியர்வைக்கு விருது வேண்டும் அதனால் வெட்கமே விக்கித்துப் போக  வெல்லட்டும்!


வாக்காளர் திருத்தத்திற்கு வாய்க்கரிசி போட வேண்டும் அதனால் வெல்லட்டும்!


டெல்லி  ஜந்தரே கொதிக்க தமிழ்  மாந்தரெல்லாம் தவிக்க மகா புருஷரின் பட்டாபிஷேகம் பாதுகாக்கப்பட வேண்டும் அதனால் வெல்லட்டும்!


இவர்களின் ஏவல்காரர்களுக்கு சாவு மணி அடிக்கும் சமுத்திர புரட்சி திசைப் புரள வேண்டும் அதனால் வெல்லட்டும்!


இவர்களே எதிர்காலம் என்னும் மரண ஓலம் திசைகளை தீக்கரையாக்க இவர்கள் வெல்லட்டும்!


தாய்மாமன் சீரும் வெற்றிப் பயண ஜோறும் ஊரையே உயர்த்தி நிமிர்த்த  போகுது அதனால் வெல்லட்டும்!


விளிம்பில் விழுந்தோறும் திறனாளி என்று திவ்ய பட்டோரூம் வெளிச்சம் தர இவர்கள் அடிச்சு பிடிச்சு வெல்லட்டும்!


இனி யாரும் அரசு வேலை பெற முடியாது எனும் தனியார் பெருகிட தற் குறியுடன் வெறிபிடித்து வெல்லட்டும்!


பல அடுக்கு காவல் போட்டு ஆறு மணிக்குள் படுத்து உறங்க வேண்டியதிருக்கிறது அதனால் வெல்லட்டும்!


தோழியை அழைத்துக்கொண்டு தொழில் முதலீடு செய்ய அயல்நாடு போக வேண்டியது இருக்கிறது அதனால் வெல்லட்டும்!


நம்பிய கூட்டத்திற்கு கம்பி நீட்டும் அரசியல் வம்பு செய்ய வேண்டியது இருக்கிறது அதனால் வெல்லட்டும்!


பாட்டுப் போட்டி நடத்தி சட்டங்களை திருத்த வேண்டியது இருக்கிறது எனவே  தீயாக வெல்லட்டும்!


டெல்லிக்கு சலாம் போட கிள்ளியின் கரங்கள் பலப்பட வேண்டும் அல்லவா அதனால் பயப்படாமல் வெல்லட்டும்!


பாதங்கள் நோக நின்று ஊடகங்கள் சந்தித்து வாதங்கள் செய்ய வேண்டும் அதனால் இந்த வசீகரன் வெல்லட்டும்!


எந்திரப்பட்டு இருக்கும் வரை நாயக மந்திரமே மகுடம் சூடும் அதனால் வெல்லட்டும்!


போதைப் பெருக புதிய பாதை வகுக்கும் புதிய கீதை காரன் புறப்பட்டான் அதனால் வெல்லட்டும்!


மாறுவேடத்தில் மங்கைகள் சென்று மானத்தை காத்திடும் ஆணை போட அடடா இவர்கள் வெல்லட்டும்!


திராவிடக் குறை கூறி பொறுப்புகள் மடைமாறி சாணக்கியர் கடை போடவேண்டும் அதனால் வெல்லட்டும்!


மத்திய அருளாலும் சாகச விரலாலும் அறிவில் உயர்ந்த நிலத்தை அறிவால் நிறைந்த இடமாக மாற்ற  இவர்களே வெல்லட்டும்!


இவன்,

கவிஞர் வெங்கோலன்!

Comments

Post a Comment

Popular posts from this blog

பராசக்தி நடையில் ஒரு நடிக சிகாமணியின் சீற்றம்!

பராசக்தி நடையில் ஒரு நடிக சிகாமணியின் சீற்றம்!     சட்டமன்றம் ஆச்சரியப்படுத்தும் பல அரசுகளை சந்தித்திருக்கிறது. வியக்க வைக்கும் பல விந்தையாளர்களை கண்டிருக்கிறது. ஆனால் இந்த அரசு ஆச்சரியத்திற்குரியதும்   அல்ல. ஆளுகிற நானும் வியப்புக்குரியவனும் அல்ல.   அதிகார போதையோடு ஆங்காங்கே தென்படுபவர்களில் ஒருவன் தான் நான். தேர்தல் பிரச்சாரத்தில் பொய்யை உதிர்த்தேன். நல்லாட்சி தந்தவர்களை தீய சக்தி என்று கூறி நையப் புடைத்தேன்.     வேலையைக் காட்டியிருக்கிறேன் இவ்வாறெல்லாம். இவை எல்லாவற்றையும் நான்தான் செய்தேன் என்று ஒப்புக்கொள்ள போகிறேன் என்று நீங்கள் நினைப்பீர்கள். இல்லை. சர்கார்   சத்தியமாக இல்லை!     தேர்தல் நாட்களில் குட்டி கதைகளை அவிழ்த்து விட்டேன். காரணம் அவற்றை நான் மட்டுமே சொல்ல முடியும் என்பதனால் அல்ல. அவைகளைத் தான் ரீல்ஸ்க்குள் அடக்க முடியும் என்பதற்காக!     முந்தைய அரசு மீது அவதூறை அள்ளித் தெளித்தேன். எனக்கு வெற்றி கிட்ட வேண்டும் என்பதற்காக அல்ல , அவர்கள் மண்ணை கவ்விட வேண்டும் என்பதற்காக!   உனக்கு ஏன் இவ்வளவ...
Read more

இனி அப்படி யாரும் பிறக்கக் கூடாது!

 இனி அப்படி யாரும் பிறக்க கூடாது! இலச்சினையும் முத்திரையும் அதற்காகவே முண்டியடித்து காத்து கிடக்கின்றன! ஆயிரம் அதிகார காகிதங்களின் மேல் அன்றாடம் மோதினாலும், ஒரு தாளின் மேல் தடம் பதிக்க தான்தோன்றி தனமாய் தவம் இருக்கின்றன! அந்த தாளின் எழுத்துக்கள் வெங்கோல் கழுத்துகளுக்கு இறுதி இறுக்கத்தை, கொடுத்து குருதியின் கொதிப்பினை வதக்கிட  துடித்தபடி கண்ணிவைத்து காத்து இருக்கின்றன! அது ஒரு கனவு திட்டம் என்பதால் அல்ல, ஒரு கூட்டத்தின் கனவை கலைக்க போகும் தீய திர்மானம் ஆதலால்! இது ஒன்றும் யோசனையில் எடுத்த முடிவு அல்ல,, கண்ணின் நுனியில் அதன் வெளிச்சத்து கூச்சத்தில் கூடி எடுக்கப் பட்டது, வெளிச்சமில்லா விழிகளை தயவு தாச்சமில்லா விதஹ்த்தில், அரசானை பதத்தில் மோச்சம் தந்திடும் பாய்ச்சல் தானிது! ஐயமில்லை அதிகார வெளிச்சங்களின் ஆசியில் அப்படியே செய்ய பேசிய சூழ்ச்சி முடிச்சு  வகையறாவை சேர்ந்தது! அவர்கள் இருப்பதால் பிறந்திடும் வெறுப்பினை விரட்டிட, போராடிடும் அவர்களின் குணங்களை கசக்கி சுருட்டிட, எல்லாம் அடக்கியும் அடங்கிட மருத்திடும் எஞ்சியதை தடுத்திட, உரிமை பேசி சட்டம் தூக்கிடும் சில கைகளை உடைத்திட, ச...
Read more

அவர்களுக்குத்தான் அனைத்தும் அத்துபடி!

 அவர்களுக்குத்தான் அனைத்தும் அத்துபடி! அவர்கள் அறியாதது என்று அனேகமாய் இருக்க முடியாது.  அதிகாரம் செய்ய மதிபாரம் ஏற்றிப் பிழைக்கும் மரபினர் இவர்! மது சொட்டும் சொற்களை முதுகு வெட்டும்  நுண்கலை, தேர்ந்தெடுக்க பட்டவன் சார்ந்திருக்கும் சலுகை பட்ட எண்களை, சனங்களை கணிப்பொறிக்குள் சங்கேதப்படுத்தி, மேதமை என மாறுதட்டும்  அவர்களின்  அறிவு புஜங்களை, சத்திய நிஜங்களை மாற்றிப்போட்டு சத்தமாய் உரிமைகளை கூறு போட்டு , செருக்குடன் தழைத்திடும் அவர்களின் விசுவாச நிறங்களை, போராடி முச்சந்திக்கு எவன்  வந்தாலும் பச்சோந்தியாய் இருக்கும், அவர்களின் பராக்கிரம அதிகார குணங்களை, உயர் பொறுப்பில் நிலைத்திட செய்யும் அவர்களின் அண்டிப் பிழைப்பு சிணுங்களை, சங்க வெள்ளாவியில் போட்டு வெளுத்தாலும், கரை திருத்தவோ நேர்மையின் சிறைபடுத்தவோ அவ்வளவு எளிதில் இயலாது!  உரிமை கோப்புகளை குப்பைப்படுத்தும், அவர்களின் தான்தோன்றி த்தனமான தீர்ப்புகளை, ஓட்டு பெற்றவனுடன்  கூட்டு வைத்து, அவன் காதில் விளிம்பு நிலை வேட்கைகளை பொய்படுத்தி போட்டு வைத்து, வைத்ததால் புண் படுவது கண் காண முடியாத தன்மானத்தினர், என்ப...
Read more