ஆண் மேகங்களின் ஆயுத மழை!

 ஆண் மேகங்களின் ஆயுத மழை!


பகை ஏவி கருக்கும் போர் முகில்,


பலி கேட்கும்  துளிகளாய் குண்டு மழை!


யுத்த முறையில் வீரம் நிரம்பிடும்,


ரத்த குலமாய் உயிர்கள் குவிந்திடும்!


கனைக்கும் ஏவுகணையில்  கம்பீர  கர்ஜனை,


அணைகட்ட முடியா நிலையில் மாண்டு சாயும் அப்பாவி சேனை!


ஊரணியிலும் பதற்றம் சுரக்கும்,


உயிர் அணியை பிளந்து பின்னணி தோள்கள் பதக்கம் சுமக்கும்!


கூட்டமாய் ஒதுங்கிட பதுங்கு குழிகளும் குலுங்கும்,


நீர்நிலை பிழைத்தலை விட உயிர் நிலை  காத்தல் கொடுமை என விளங்கும்!


இடிமுழக்க குண்டுகள் விளையாடும்,


நொடி கடத்தும் சிசுக்களின் நடுக்கங்கள் உள்ளங்கையில் உயிர் பிடித்து அலரிடூம்!


சதுப்பு நில தழுவலில்  நிறம் மாறும்,


தவிப்பு தரும் அழுகையும் விலகிப் போகும் தூரம்!


பெண் உடலையே  வின் ஆயுதம்  வலை வீசும்,


போர்க்களை தான் இதுவென்று ஆதரவு தவக்கலைகள் பேசும்!


விதவைகள் வர்க்கத்தை மேற்கத்திய ஆதிக்கம் கர்வத்துடன் அதிகரிக்கும்,


இரக்கமின்மை வெள்ளக் காட்டாராய் திசைகள் எங்கும் பெருக்கெடுக்கும்!


நரகங்களாய்  நகரங்கள் நகரும்,


சிதறிய உதிரங்களோடு உறவாடும் உளவியல் மிரட்சிக் கதை கூறும்!


ஆயிரம் மைல்கள் அவன் செலுத்தும் ஆயுதங்கள் பாயும் ,


காக்கை குயில்களும் வற்றிய கருணையில் விழுந்து சாயும்!


பிணக்கழுகுகளாய் அடர்ந்து பகைக் கருவிகள் இறங்கும்,


மூச்சு சிறகுகள் உயர பறக்க உடல்கள் உயிர் விடுத்துச்  சுருங்கும்!


ஆக்சிஜன் கொப்பளித்து ஓர் வாய் புழுதி உமிழ்ந்திடும்,


நைட்ரஜன் நெருப்பில் நவீன யுகத்தின்  ஆற்றல் அரசியலும் அமிழ்ந்திடும்!


நாடுகளை எலும்பு ஓடுகளாய்  கண்டங்களை தரிசு பிண்டங்களாய்  மாற்றிடும்,,


கடலையும் யுத்த திடலாக்கி மரணத்தின் ஆழியாய் மானுடம் உருமாற்றி காட்டிடும்!


வன்மையுத்திகள் பெருக்கெடுக்க சமதர்ம சத்தியத்தின் உடலிலும் காயம்,


ஏகாதிபத்தியம் ஜீவிக்க பஞ்சமும் ஏழ்மையும் பத்திய பரிசாக்கி  வெறுப்பு அருவி பாயும்!


திமிங்கலங்கள் யுத்தம் செய்ய போர்க்களங்கள் தடதடக்கும்,


மனித சமுத்திரத்தை பயத்தின் சிறைப்படுத்தி முதலாளிகளின் ஆயுதங்கள் படை எடுக்கும்!


கரும் புகை  தேசங்களின் வரைபடம் முழுக்க பரவி குடை பிடிக்கும்,


அவை அடைகாக்க வழியின்றி மறைந்த பின் நீராவியாய் உயிர்கள் ஆகாயம் நோக்கி நடக்கும்!


பீரங்கி பொழிவில்  ஏழு  வண்ணத்தில் வானவில்லின் எண்ணம் பிரதிபலிக்கும்,


ஆணின் தொழிலே அழித்தலென கழித்தலில் மாலும் அப்பாவி மானுடம் எடுத்துரைக்கும்!


இவன், முனைவர். உ. மகேந்திரன்!

Comments

Post a Comment

Popular posts from this blog

ஆமாம் அந்த நாற்காலிகளை தெரியுமா உங்களுக்கு?

 ஆமாம் அந்த நாற்காலிகளை தெரியுமா உங்களுக்கு? அது மெதுவாய் நகர்ந்து வந்து ஆடிக் கொண்டே நின்றது. அது பொதுவாக அப்படித்தான்.  அது ஆட்டம் காண்பதற்கு பல அதிகார நாற்காலிகளே  காரணம். அதன் மேல் சில கீறல்களும் உண்டு.  அதில் அமருபவர்களும்  அந்த கீரல்களுக்குள் அடக்கம். கீறல்களையும் அவர்களையும் கெடுப்பது வேறு நாற்காலி காரர்கள்! வேறு நாற்காலி காரர்கள் எல்லோரும் இந்த நாற்காலியில் இருந்து போனதும் உண்டு. வெவ்வேறு நாற்காலிகளில் இருந்து வந்து ஒருவாறு  அதை அடைந்தவர்களும் உண்டு. அந்த ஒய்யார நாற்காலிக்கு சென்று விட்டாள் இந்த உடைந்த நாற்காலிகளை பிடிக்காமல் போய்விடும்.  காரணம் உடைந்ததிலிருந்து வருகிற ஓசை அவர்களை நிம்மதியாக அங்கு உட்கார விடாது. அந்த ஒய்யார நாற்காலியை  ஓட்டை உடைசல் அண்டாது. ஆனால் அவை அனைத்தையும் அதன் மேல் உட்காருபவர்கள்  வைத்திருக்கக்கூடும்! ஒய்யார நாற்காலிகளின் கால்கள் தான் பரிதாபத்திற்குரியவை. அதன் மேல் வைக்கப்படும் அதிகாரபாரத்தை தாங்க முடியாமல் தத்தளித்தபடி இருக்கும் அவை.  ஆள்களின் கால்கள் அவஸ்தை உருவதையே எவரும் கண்டு கொள்வதில்லை.  அப்படி...
Read more

தனியார் குதிரையில் ஒரு ஜனநாயக ராஜா!

 தனியார் குதிரையில் ஒரு ஜனநாயக ராஜா! அவரின் நகர்வலம் இல்லா வலைதளம் கிடையாது!  ஒய்யார குதிரையில் நகர்ந்து ஒரு அங்குலத்தையும் அவர் விட்டதில்லை.  விரட்டும் குதிரையை மிரட்டும் சாட்டைக்கு சமூக நீதி என்று பெயர்.  குதிரை அனுமதிக்காமல் அந்த சாட்டையும் இந்த ராஜாவும், ஒரு வேட்டைக்கும் போவதில்லை எந்த கோட்டையும் தாண்டுவதில்லை! அவர் பொதுவாக வேட்டையாடுவது விளிம்பு நிலை உரிமைகளை தான்! அந்தக் கோட்டினை  தாண்டுவது ஓட்டினால் வரும் வேட்டின் நினைவால் தான்! சொல்லப்பட்ட விளிம்பு நிலையும்  அதன் ஓட்டும், அதிகார ராஜாவின் அங்கத்தை அதிகாரப்படுத்தும் இரண்டு கண்கள்! மறக்க வேண்டாம் அந்த குதிரையின் கண் அசைவிற்கு, அதிகாரத்தில் கண்களே அடங்கும் அந்த சமூக நீதி சாட்டையும் சத்தம் இன்றி இணங்கும்! அவரின்  பாதப்படாமல் இந்த குதிரை பார்த்துக் கொள்வதே  தான் சேதப்படாமல் இருக்கத்தான்! அந்த நான்கு கால் பல்லக்கு வெளிச்சப்பட்டு, எல்லோரையும் நம்ப வைத்த விடியலை இருளாக்கியதே கல்வியின் காரிருளுக்கு காரணம்! ஆனால் அந்த காரிருளோ  குறிப்பிட்ட இந்தக் காரியக்கார குதிரைக்கு, வணிக அட்சய பாத்திரத்தை பரி...
Read more

ஒரு தேன் கூடும் சில தேனீக்களும்!

 ஒரு தேன் கூடும் சில தேனீக்களும்! அவை ஒரு கூட்டினை கட்டின.  எங்கெங்கோ ஓடி சென்று சேகரித்த தேன் துளிகள் அதில் வைக்கப்பட்டன.  தூரத்து வேடனுக்கு  அவை கண்ணை உறுத்திக் கொண்டே இருந்ததை அவை அறிந்திருக்கவில்லை. இதற்கு தேன் சேகரிப்பு மற்றும் கூட்டை கட்டுதல் என்பதாக இருந்த தேனீக்களை நீங்கள் குறை சொல்ல முடியாது. ஒருவேளை நீங்கள் குறை சொல்ல முடிவு எடுத்து விட்டால் உங்களால் சேகரிக்கப்பட்ட தேன் துளிகளையும், அவை பொதுப்படையாய் குவித்து வைக்கப்பட்டதையும், ஏதோ ஒரு அபகரிப்பாலும் தாரை பார்ப்பாலும் நீங்கள் இழக்க நேரிட்டதை நினைத்துக் கொள்ளுங்கள்! கள் எரிபவர்கள்  கவனமாக கண்ணிவைத்துக் காத்திருந்தனர்.  அவர்கள் காத்திருப்புக்கு பலம் சேர்க்க அந்தக் கூட்டத்தில் இருந்த தேனீக்களில் ஒன்று, கல் எரியும்  கூட்டத்தை அடைந்து தேன் சொற்களை எறிய  உதவியது! அந்தத் தேனியிடம் கற்களை கொடுத்துவிட்டு எரியும் எட்டப்பன்கள்  எட்டி நின்றனர்! அந்த எட்டப்பன்கள் இடம்  ஏராளமான கற்கள் இருந்தன.  இந்த தேனீக்களை போன்று இருந்த மற்ற தேனீக்களுக்கும் தேவைப்படும் அளவிற்கு, கற்களை கணிசமாய் குவித்...
Read more