வளைக்கப்படும் வளாகங்களும் விதிகளும்!

 வளைக்கப்படும் வளாகங்களும் விதிகளும்!


நீங்கள் நான் என்கிற சாதாரணத்திற்கு அது சாத்தியம் இல்லை. 


முட்டி முயன்றாலும் சாதாரணங்களுக்கு எதையும் சாத்தியப்படுத்தும் சாதகம் இன்று இல்லை!


பாதகங்கள் கூர்மைப்பட்டு பாதங்களுக்கு கீழ் பள்ளமே  பறித்தாலும்,


ராட்சத வெள்ளம் ஆளும் அணைக்கட்டே  கைவிட்டிட அழித்தாலும்,


ஒழுங்கிட்ட விதிகள் வழங்கிட்ட கணவான்களினாலேயே மழுங்கிட்டு போனாலும்,


சங்கங்களாய் பிரிந்து உறங்கிட்ட வேளையில்,


அடிமை விலங்கிட்டு கல்வி அதிகாரம் எவன் வீட்டு சொத்தாய் ஆனாலும்,


ஆசிரிய சாதாரணங்களால் பொற்கால அரசின் வேதகணங்களை அசைத்திடவே முடியாது!


அசைத்திட  வேண்டிய அத்தனை பலத்தையும்,


மொத்தமாய் அளவிட்டு அங்குலம் அங்குலமாய்,


பிளவிட்டு உலை வைத்தார்களே ஐயோ அந்த,


ஆளும் கலையில் கரைக்கண்டு சில மலை  உண்ட மாதவன்கள்!


இன்று அவர்கள் கொண்டு வந்திருக்கும் நிலையோ,


பெரும் விலை கேட்கும் கொலைபாதகம்  கொண்டது!


அது உயிர் எடுக்க முடிவெடுத்துவிட்டது கத்தியால் அல்ல புத்தியால்! 


அதன் புத்திக்குள் பொதிந்திருப்பது தான் ஐயா விஷக்கத்தி!


அது தாக்கி நம்மை வீழ்த்த  தலை  படுகிறது என்பது,


 தாமதமாக அல்லவா புலப்படுகிறது!


விதிகளைத் தளர்த்தி ஏழை பிள்ளைகளின் மதியை,


நிர்மூலமாக்கி வதம் செய்து தனியார் ரதம் செலுத்த,


நிதம் கணக்குப் போடுது ஜனநாயக பசுந்தோள் போர்த்தி முதலாளிகளின்  கைக்கூலிகலாய் பொறுப்பற்று ஆடுது!


கல்வி தழைத்து  ஓங்கிய வளாகங்களை,


அடித்தட்டு ஒதுக்கிட்டு விளக்கை அணையாமல் காத்த கற்றலின் கலன்களை,


அடிமைப்பட்ட ஜனங்களின் மனங்களில் மரியாதை விதைத்த புண்ணிய இடங்களை,


சமத்துவ கல்வியின் மகத்துவ நீதியை நின்று நிலைபெற  செய்த நிகரில்லா நிலங்களை,


குப்பனின் குழந்தையும் தன் அப்பனின் தலையெழுத்தை மாற்ற,


உயர் கல்வியால் கற்பனை கற்றுத் தேர்ந்த தன்னிகரில்லா தடங்களை,


மாநகர், நகர், பஞ்சாயத்து என வகைப்படுத்திய விதி என்னும் சதியை, 


ஒன்றுபட்டு மிதித்திட வேணாமோ இல்லை எனக்கென்ன என்று விலகத்தான்  கற்றோராய் ஆனோமோ!


ஏழை குழந்தைகள் காலரை தூக்கிவிட்டு நடக்க, 


ஏக்கர் கணக்காய் இருக்கும் ஈடு இணையற்ற இடங்களை,


அரசே  எடுபிடியாய் இருந்து அதை ஏவிவிட்ட தனியார் தரகர்களுக்கு,


ஐயோ இனாமாய் தருவதை புரட்சிஜனமாய் மோதி தடுத்திட வேணாமா!


இவன். 


கவிஞர். வெண்கோலன்!

Comments

Post a Comment

Popular posts from this blog

ஆமாம் அந்த நாற்காலிகளை தெரியுமா உங்களுக்கு?

 ஆமாம் அந்த நாற்காலிகளை தெரியுமா உங்களுக்கு? அது மெதுவாய் நகர்ந்து வந்து ஆடிக் கொண்டே நின்றது. அது பொதுவாக அப்படித்தான்.  அது ஆட்டம் காண்பதற்கு பல அதிகார நாற்காலிகளே  காரணம். அதன் மேல் சில கீறல்களும் உண்டு.  அதில் அமருபவர்களும்  அந்த கீரல்களுக்குள் அடக்கம். கீறல்களையும் அவர்களையும் கெடுப்பது வேறு நாற்காலி காரர்கள்! வேறு நாற்காலி காரர்கள் எல்லோரும் இந்த நாற்காலியில் இருந்து போனதும் உண்டு. வெவ்வேறு நாற்காலிகளில் இருந்து வந்து ஒருவாறு  அதை அடைந்தவர்களும் உண்டு. அந்த ஒய்யார நாற்காலிக்கு சென்று விட்டாள் இந்த உடைந்த நாற்காலிகளை பிடிக்காமல் போய்விடும்.  காரணம் உடைந்ததிலிருந்து வருகிற ஓசை அவர்களை நிம்மதியாக அங்கு உட்கார விடாது. அந்த ஒய்யார நாற்காலியை  ஓட்டை உடைசல் அண்டாது. ஆனால் அவை அனைத்தையும் அதன் மேல் உட்காருபவர்கள்  வைத்திருக்கக்கூடும்! ஒய்யார நாற்காலிகளின் கால்கள் தான் பரிதாபத்திற்குரியவை. அதன் மேல் வைக்கப்படும் அதிகாரபாரத்தை தாங்க முடியாமல் தத்தளித்தபடி இருக்கும் அவை.  ஆள்களின் கால்கள் அவஸ்தை உருவதையே எவரும் கண்டு கொள்வதில்லை.  அப்படி...
Read more

ஒரு தேன் கூடும் சில தேனீக்களும்!

 ஒரு தேன் கூடும் சில தேனீக்களும்! அவை ஒரு கூட்டினை கட்டின.  எங்கெங்கோ ஓடி சென்று சேகரித்த தேன் துளிகள் அதில் வைக்கப்பட்டன.  தூரத்து வேடனுக்கு  அவை கண்ணை உறுத்திக் கொண்டே இருந்ததை அவை அறிந்திருக்கவில்லை. இதற்கு தேன் சேகரிப்பு மற்றும் கூட்டை கட்டுதல் என்பதாக இருந்த தேனீக்களை நீங்கள் குறை சொல்ல முடியாது. ஒருவேளை நீங்கள் குறை சொல்ல முடிவு எடுத்து விட்டால் உங்களால் சேகரிக்கப்பட்ட தேன் துளிகளையும், அவை பொதுப்படையாய் குவித்து வைக்கப்பட்டதையும், ஏதோ ஒரு அபகரிப்பாலும் தாரை பார்ப்பாலும் நீங்கள் இழக்க நேரிட்டதை நினைத்துக் கொள்ளுங்கள்! கள் எரிபவர்கள்  கவனமாக கண்ணிவைத்துக் காத்திருந்தனர்.  அவர்கள் காத்திருப்புக்கு பலம் சேர்க்க அந்தக் கூட்டத்தில் இருந்த தேனீக்களில் ஒன்று, கல் எரியும்  கூட்டத்தை அடைந்து தேன் சொற்களை எறிய  உதவியது! அந்தத் தேனியிடம் கற்களை கொடுத்துவிட்டு எரியும் எட்டப்பன்கள்  எட்டி நின்றனர்! அந்த எட்டப்பன்கள் இடம்  ஏராளமான கற்கள் இருந்தன.  இந்த தேனீக்களை போன்று இருந்த மற்ற தேனீக்களுக்கும் தேவைப்படும் அளவிற்கு, கற்களை கணிசமாய் குவித்...
Read more

தனியார் குதிரையில் ஒரு ஜனநாயக ராஜா!

 தனியார் குதிரையில் ஒரு ஜனநாயக ராஜா! அவரின் நகர்வலம் இல்லா வலைதளம் கிடையாது!  ஒய்யார குதிரையில் நகர்ந்து ஒரு அங்குலத்தையும் அவர் விட்டதில்லை.  விரட்டும் குதிரையை மிரட்டும் சாட்டைக்கு சமூக நீதி என்று பெயர்.  குதிரை அனுமதிக்காமல் அந்த சாட்டையும் இந்த ராஜாவும், ஒரு வேட்டைக்கும் போவதில்லை எந்த கோட்டையும் தாண்டுவதில்லை! அவர் பொதுவாக வேட்டையாடுவது விளிம்பு நிலை உரிமைகளை தான்! அந்தக் கோட்டினை  தாண்டுவது ஓட்டினால் வரும் வேட்டின் நினைவால் தான்! சொல்லப்பட்ட விளிம்பு நிலையும்  அதன் ஓட்டும், அதிகார ராஜாவின் அங்கத்தை அதிகாரப்படுத்தும் இரண்டு கண்கள்! மறக்க வேண்டாம் அந்த குதிரையின் கண் அசைவிற்கு, அதிகாரத்தில் கண்களே அடங்கும் அந்த சமூக நீதி சாட்டையும் சத்தம் இன்றி இணங்கும்! அவரின்  பாதப்படாமல் இந்த குதிரை பார்த்துக் கொள்வதே  தான் சேதப்படாமல் இருக்கத்தான்! அந்த நான்கு கால் பல்லக்கு வெளிச்சப்பட்டு, எல்லோரையும் நம்ப வைத்த விடியலை இருளாக்கியதே கல்வியின் காரிருளுக்கு காரணம்! ஆனால் அந்த காரிருளோ  குறிப்பிட்ட இந்தக் காரியக்கார குதிரைக்கு, வணிக அட்சய பாத்திரத்தை பரி...
Read more