வல்லரசின் வெறியாட்டம்!
வல்லரசின் வெறியாட்டம்! இதன் ஆட்டத்தை அளவிட அணுவுலை தேவை, மற்றவரின் நலன் என்பது இது போர்த்திய போர்வை! அரசியலாய் அறச் செயலற்று ஆடுதல் இதன் கலை, அதற்காய் எவர் தலைக்கும் வைத்திடும் விலை! தான் என்னும் அணுக்களை நிறைத்து போடும் ஆட்டம், தனக்கே எல்லாம் என்பதை வெளிச்சம் போட்டு காட்டும்! அழிவே இதன் உடம்பை வளர்க்கும் உணவு, பிற நாட்டு நுழைவே வற்றிடா அன்றாட கனவு! ஏழை உற்பத்தி செய்யும் பண திமிர் தொழில்சாலையே இதன் கட்டமைப்பு, இதற்க்கு முதுகெலும்பு அற்று ஒத்தூதினால் அதுவே கூட்டமைப்பு! அறிவிப்பின்றி அரசுகள் மீது குண்டு வீசும், அது பராக்கிரமம் என்று இதன் கொத்தடிமைகள் கூச்சமின்றி பேசும்! ம்மனித உயிர்கள் இதற்க்கு பொருட்டல்ல, வெள்ளை மாளிகை செய்தால் எதுவும் திருட்டள்ள! நாடுகளும் ஏடுகளும் இதற்கு அடிமை, உலகத்து உடைமைகளை சுரண்டுவதே இதற்க்கு பெருமை! தன் நாட்டின்மேல் பட்டுவிடக் கூடாது சிறு கீறல், அதற்க்கு தான் பொழிகிறது இதர தேசங்களின் மேல் ஆயுத தூறல்! இது போட்டிடும் கணக்குகள் என்றுமே மலிவு, இதர நாடுகள் எல்லாம் இதன் வளர்ச்சியை சுமக்கும் இழிவு! தன் தேசத்திற்கு சுகாதார சட்டதிட்டம், மற்ற நாடுகளில் இதன் கழி...